Ginaimbistigahan na karon sa kapulisan ang kabahin sa pagbilin sa usa ka batang lalaki nga bag-ong nahimugso sa Brgy. Zone 1, dakbayan sa Digos.
Subay sa report sa kpulisan, ang bata gibilin sa bakanteng lote sa usa ka compound sa Akasyahan sa nasampit nga baranggay.
Nasayran nga pasado alas Otso sa buntag nakit-an ang bata sa usa ka residente nga igo lamang nanghalay niadtong panahuna.
Nadunggan sumala pa niini ang hilak sa bata, ug sa pagsusi niini nakit-an na lamang ang bata nga nakabalot sa selopin.
Sumala pa nga nagkadugo pa ang lawas sa bata ug nagbitay pa ang pusod nga gidugok na usab sa mga insekto.
Gilayon usab nga miresponde ang mga otoridad og gidala ang bata sa Davao del Sur Provincial Hospital aron ma-atiman.
Sa pagkakaron, ginasubay na ang mga CCTV sa nasampit nga lugar alang sa posibling pag-ila sa nagbilin sa bata.
Ginasubay na usab sa mga otoridad nga mga nagmabdos sa maong baranggay ingon man sa kasikbit nga mga lugar.
