DAVAO CITY – Nilingkod isip bag-ong hepe sa Bureau of Jail Management and Penology XI si Jail Chief Superintendent Jolly Taguiam Jr.
Sa natigayong Turnover of Command Ceremony ning nilabayng adlaw, nahulipan sa bag-ong regional director ang kanhi pwesto ni kanhi Jail Chief Superintendent Isabelo Cartin Jr. nga karong ma re-assign isip Director of the Directorate for Intelligence sa BJMP national Headquarters sa kauluhan.
Human sa maong kabag-uhan, nakigpulong ang bag-ong hepe sa mga warden gikan sa 12 ka managlahing bilangguan sa rehiyon alang sa mga lakang og kamanduan nga ipatuman sa bag-ong regional director sa BJMP 11.
Pursigido ang bag-ong opisyal nga ipadayon ang mga programang nasugdan ni kanhi pagpangatungdanan ni Chief Superintendent Cartin ug seguraduhon ang maayong pagdumala sa mga personahi sa BJMP ingon man ang mga binilanggo.
Si Chief Superintendent Taguiam Jr. ang nahimong regional director sa BJMP Region 1 ug Caraga Region.
Laraw karon sa bag-ong opisyal ang pagpadayon sa maayong pagdumala sa BJMP 11 ug aron hingpit nang matarong ang mga binilanggo ug mahilayo sa bisan unsang kagubot, kontrabando ug kriminalidad nga mahitabo sulod sa mga bilangguan sa Davao Region.
via || Bombo LJF
