DAVAO CITY – Bag-ong liderato na sab ang modumala sa Police Regional Office (PRO)-11 kini human nga molingkod na ang bag-ong director niini.
Kahinumduman nga epektibo kagahapong adlawa, mulingkod na sa katungdanan ang napili ni PNP Chief Police General Dionardo Carlos nga si Brig. Gen. Benjamin Silo isip bag-ong Regional Director sa PRO XI ug hulip kang Brig. Gen. Filmore Escobal.
Ang lahugay ang kabahin sa mandato sa kapulisan ilabi na kung anaa sa duruha ka tuig ang paglingkod sa posisyon. Samtang ang bag-ong tahas ni Escobal mao ang pagbalhin niini sa Area Police Command (APC)- Eastern Mindanao sa PNP nga hulip kang Maj. Gen. Joseph Ulysses Gohel kinsa gibalhin na sa APC- Southern Luzon.
Kahinumduman nga gawas kang Escobal, adunay mga opisyal sa kapulisan ang gidestino sa bag-o nila nga mga tahas.
Una na sab nga gituboy isip bag-ong head sa Special Action Force si Brig. Gen. Patrick Villacorte.
Samtang head karon sa Criminal Investigation and Detection Group (CIDG) si Brig. Gen. Eliseo Cruz hulip kang Maj. Gen. Albert Ferro nga gidestino na sab karon sa Office of the Chief of PNP samtang nagpaabot sa iyang retirement karung nagsingabot nga Marso 5.
