DAVAO CITY – Gihinayon gayud sa militanteng pundok ang ilang lihok protesta batok kang Davao City Police Office (DCPO) Director Police Senior Supt. Alexander Tagum.
Sumala pa kang Sheena Duazo, secretary general of the Bagong Alyansang Makabayan (Bayan), nga desmayado kayo sila gumikan ka yang tawo nga bout nilang ipabilanggo gumikan sa krimin nga nahimo niini sa mga yano nga mga pag-uuma nga gipamusil, samtang nagpahigayon ug rally sa dakbayan sa Kidapawan, sa North Cotabato.
Kagahapon mga alas tres ang takna sa hapon mipwesto gilayon ang mga militanteng pundok ug gisinggit ang hustisya sa mga biktima.
Ang ilang lihok protesta pagpakita sa ilang hugtanon nga pagbabag sa paglingkod ni Tagum isip DCPO Director gumikan sa pagkalambigit niini sa dugo-on nga pagbongkag sa nanagrally nga mga mag-uuma sa highway sa dakbayan sa Kidapawan.
Sumala pa Duazo nga dili layo nga subling masenati-an sa dakbayan ang binuhatan niini sa mga katawhan sa Kidapawan.
Sa iyang bahin gisaysay sab ni Police Senior Supt Alexander Tagum nga sa iyang kasenati-an sa dakbayan sa Kidapawan nasutan nila nga dili na mga yano nga mga mag-uuma ang nakaposisyon sa pagbabag sa Cotabato-Davao Highway niadtong panahona.
Ang kanhing mga tinuod nga mga mag-uuma giilisan sa kusgan ug daw sakop sa Pulang Manggugubat nga migamit ug bato aron nga manga-angol ang mga police nga gitabangan nila ug bokbok, hinongdan nga napugos ang tropa sa kagamhanan sa paggamit ug armas.
