DAVAO CITY – Aduna na pud bag-ong suruyanan ang mga Dabawenyo sa pagsulod sa bag-ong tuig. Gikabutyag sa Davao City LGU nga sa tuig 2022 na gikatakdang ablihan ang bag-ong City Library nga nahimutang sa dalang C. Bangoy kon Ponciano ning Dakbayan.
Sa kasamtangan, nagapadayon ang survey sa City Library ngadto sa mga Dabawenyo alang sa operationl hours aron masiguro nga mapuslan gayod ang pasilidad.
Matud sa City Library Officer-in-Charge nga si Salome Enoc, state-of-the-art ang maong library, diin aduna sab kini online library, nga mamahimong ma-access bisan anaa sa panimalay, ug nagagamit sab ang pasilidad og smart technology ug advanced information technology system.
Gawas pa kini sa regular services nga book lending ug story telling. Aron nga mabusog sab ang mga mata sa library-goers, gipintahan ang City Library og mga mural nga gigama pa sa mga Dabawenyo artist.
Sa kasamtangan, ginatiwas na lang ang konstruksyon ug paghan-ay sa mga gamit niini.
Ang City Library, gigahinan og 100 million pesos nga budget alang sa pagpatukod niini.
