Nagsumite na ang kampo ni kanhi Presidente Rodrigo Duterte sa International Criminal Court (ICC) og bag-ong batch sa ebidensiya kalabot sa kasong may kalabutan sa iyang war on drugs.
Base sa mga dokumento nga gisumite niadtong Nobyembre 5, adunay 13 ka klase sa ebidensiya nga ilang gisumite sa Office of the Prosecutor ug sa Office of Public Counsel for Victims (OPCV), nga gipirmahan ni Atty. Nicholas Kaufman, ang abogado ni Duterte.
Apan ang maong mga dokumento confidential ug alang lamang sa defense, prosecution, ug OPCV.
Kini na ang ikaduhang batch nga gisumite sa kampo sa kanhi presidente, ang una niadtong Septyembre, nga naglangkob og 29 ka items.
Kahinumduman nga kasamtangang na-detain sa The Hague sa Netherland ang kanhi presidente, diin gikasohan siya sa ICC Prosecutor tungod sa 49 ka kaso sa pagpatay ug attempted murder nga may kalabutan sa iyang kampanya batok sa iligal nga droga samtang siya mayor pa sa Davao ug presidente sa Pilipinas.
