DAVAO CITY – Isip kabahin sa institutionalized transformation program sa kapulisan aron nga ilang mahimo ang maayong pagpanerbisyon sa publiko, mandato karon ang tanan nga mga sakop sa kapulisan nga mopailalom sa Reformation and Enhancement of Skills and Personality Course.
Sumala pa kang PBGen Marcelo C Morales, Regional Director, ang nahisgutan nga programa usa ka 30 ka adlaw nga aktibidad nga adunay titulo nga “PRO 11 MADAYAW PROGRAM” nga gikatakdang ablihan karong adlawa, Setyembre 10.
Tumong sumala pa niini ipahinumdom sa kapulisan ang ilang commitment, dedication, ug responsibilidad sa ilang trabaho.
Gikanayong ang 1st Batch sa maong training langkuban sa 50 ka mga partisipante diin 19 niini mga Police Commissioned Officers samtang pipila ang non-commissioned officers.
Gipili ang mga partisipante human nga nalambigit kini sa “light ug non-dismissible offenses” sama sa tardiness, crime against a person or property, absence without leave o wala pagtarong sa ilang trabaho ingon man nahuptan ug tarong ang usa ka kaso.
Gi-awhag ni Morales ang kapulisan nga dili tawagon ang maong lakang isip “low moral” inay dawaton kini nga hagit o second chance sa mga nahisgutan aron nga pamatud-an ang ilang kaugalingon sa organisasyon.
Dili sab sumala pa kini silot sa mga badlungon nga pulis inay usa kini ka restorative approach ug kabahin sa internal cleansing sa han-ay sa kapulisan.
