DAVAO CITY – Gi-discourage sa kapolisan sa Mati City pagpanguna ni PCI Neil Regalado ang si kinsa mang buot mutan-aw sa ipahigayon nga aktibidad sa Davao Regional Athletic Association (DAVRAA) sa Mati City Sports Complex pagdala ug backpack aron nga dili mabalda ang pasulod sa lugar.
I-hold sumala pa kini sa entrance ug makuha lamang inighuman sa dula o sa higayon nga mama-uli na. Tumong niini nga mamahimong luwas ang mga atleta atol sa tibuok semana nga kalihukan sa DAVRAA.
Kahinumduman nga malinawon ang nahimong pag-abli sa Davao Regional Athletic Association (Davraa) kagahapon sa hapon, Marso 19 nga gipahigayon sa Mati City, Davao Oriental.
Sumala pa ni Police Chief Inspector Neil Regalado sa Mati Police Office nga hapsay ang nahimong pag-abri sa DAVRAA ug wala sila’y nadawat nga bisan unsang bahad terorismo.
Kahinumdoman nga pila pa lamang ka adlaw gi-andam ug gi-plastar na ang kapulisan aron nga mubantay sa palibot sa pahigayunan sa aktibidad ingon man pagawas ug pasulod sa Mati City, Davao Oriental.
