Back-to-back nga kadaugan alang sa Pilipinas ang pagkadaog ni Emma Tiglao sa Miss Grand International 2025 nga gipahigayon sa Bangkok, Thailand.
Gikoronan si Emma sa outgoing Miss Grand International 2024 nga si CJ Opiaza, nga pareho usab nga gikan sa Pilipinas.
Pagkahuman sa koronasyon, gipatukar ang nasudnong awit sa Pilipinas sa venue, gisundan kini sa iyang unang lakang isip Miss Grand International 2025.
Sa Top 10 speech, misulti si Emma batok sa korapsyon nga nagakahitabo sa Pilipinas ug uban pang mga importanteng isyu.
Sa evening gown competition, gidayeg si Emma sa iyahang gisul-ob nga orange nga gown nga adunay matching feather cape nga gihimo ni Rhian Fernandez.
Gipili nga 4th runner-up ang Venezuela; 3rd runner-up ang Ghana; 2nd runner-up ang Spain; ug 1st runner-up ang Thailand.
