Mipanaw na ang batang aktor nga si Hudson Joseph Meek human nga mahulog gikan sa sakyanan niini, ug nakasinati og grabihan nga mga samad nga mresulta sa kamatayon sa batang aktor.
Gikumpirma kini pinaagi sa usa ka social media post sa inahan sa maong aktor, diin gisaysay sa maong post nga ang 16-anyos nga aktor mipauli na uban ang labawng makagagahom.
Kahinumdoman nga nailhan ang batang aktor sa industriya human nga mahilakip kini sa three-time Oscar nominated nga pelikula nga ‘Baby Driver’ diin mao kini ang nagdala sa papel nga ‘baby driver’.
Kabahin usab ang aktor sa Emmy-nominated nga serye sa telebisyon nga ‘MacGyver.’
Usa sab kini sa naghatag og tingog sa sikat nga brand sa dulaan sa Estados Unidos ug usa ka ilado nga fast food chain.
Gibutyag sa orbituary niini ang kontribusyon sa aktor sa maong industriya, diin mitrabaho matud pa kini sa pipila ka mga dagko nga pelikula ug serye sa telebisyon, lakip sa maong pelikula ipagawas pa sa 2025.
Dugang pa niini, nga gihigugma matud pa sa aktor ang mga kaubanan sa set gumikan nakahibalo kini sa matag istorya sa kinabuhi nga nagapakita sa kamaayo nga tao sa maong aktor.
Sa pagka karon, padayon nga nagpahigayon og imbestigasyon ang kapolisan aron masuta ang tinoud nga hinungdan sa maong insidente.
