Gikumpirma sa Digos Municipal Police Station, labot sa migula nga video diin makita nga kalit na lamang misulod sa usa ka panimalay ang usa ka babaye, diin kalit nga gikuha ang usa ka cellphone ug dali kining gitaguan sa iyahang purol kagahapong adlawa, diin nakuha kini sa CCTV.
Subay sab sa mga nagkomento nga mga netizens, daghan matud pa ang nakaila sa babaye, diin gikanayon nga aduna na matud pa kini daghang record sab sa pagpangawat ngadto sa ilahang dapit.
Apan, gikumpirma sab sa kapulisan nga nakasinati sumala pa ang maong babayeng nangawat nga adunay problema sa panghunahuna.
Sa karun, padayon pa ang ilahang ginapahigayong imbestigasyon kung aduna ba kini laraw karun nga pasakahan og kaso ang nahisgutan nunot pa man sa ginahambin niining problema sa kaugalingon.
Nahimong mapasalamaton sab ang netizen gumikan wala sumala pa gihilabtan ang bata, diin naatulan sab nga natulog niadtong tungura.
