DAVAO CITY – Nasikop ang usa ka babayeng gituohang nagpahuyot ug ilegal nga droga niadtong Martes sa kaadlawon pinaagi sa usa ka search warrant nga giisyu ni Judge Emilio Dayanghirang III sa Branch 32, Regional Trial Court XI, Lupon, Davao Oriental.
Uban ang pwersa sa San Isidro Municipal Police Station ug Provincial Drug Enforcement Unit sa Davao Oriental Police Provincial Office, ilang gidakop ang akusado nga si Eva Andriano Musa, alyas “Eb”, 39 anyos, nagpuyo sa Purok San Lorenzo, Barangay Batobato, San Isidro, Davao Oriental.
Nakaplagan ang mga otoridad sulod sa iyang panimalay ug dose ka pakete sa gidudahang shabu nga nagkantidad ug dul-an kapin P15,000.
Mitahan na ang suspek sa kustodiya sa San Isidro Municipal Police ug giatubang na ang kasong pagsupak sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
