Mitala ug world record ang usa ka babaye sa Italy gumikan sa dila niini nga mas dako pa sa bola sa pingpong.
Gikumperma nga si Ambra Collina ang pinakabag-ong world record holder sa titulong “Largest Tongue Circumference (Female)”.
Kini gumikan sa iyahang dila nga adunay sukod nga 13.83 centimeters o 5.44 inches.
Ang circumference sa dila ni Ambra ang mas dako sa sukod sa usa ka pingpong ball.
Aron makumperma ang sukod sa dila ni Ambra, usa ka doktor ang tulo kahigayong misukod niini ug ang average sa tulo ka measurement ang nahimong final measure niini.
Matod pa ni Ambra, usa ka dungog alang sa iyaha nga mahilakip sa Guinness Book of World Records gumikan kay bata pa lamang siya, paborito na kini niyang basahon ug lantawon ang mga litrato sa mga tawo nga mitala ug nagkadaiyang world records
