DAVAO CITY – Dakpan sa gilusad nga operasyon sa otoridad ang usa ka babaye nga nalambigit sa illegal nga sugal nga hugtanong gidili karon panahon sa pandemiya.
Malampuson nga nasikop sa otoridad ang suspek nga usa ka 53 anyos kagahapon sa hapon.
Naila ang nahisgutan nga si Alias Jo, labandera ug residente sa Kawayan Drive, Matina ning dakbayan.
Una ng gipanid-an ang nahisgutan sa mga sakop sa Intel and Invest Operatives sa Jade Street, San Antonio Village, Matina Crossing ning dakbayan ug akto kini nga nasikop human nga nalambigit sa sugal ug nangolekta ug patad sa pulis nga nagpaka-aron ingnon nga bettor.
Nakumpiska gikan sa dinakpan ang mga ebidensiya sama sa tally sheets, pens, cash money nga gigamit sa sugal ug uban pang gambling paraphernalia.
Luyo sa health crisis nga gi-atubang karon sa nasod, dili matud pa moundang ang otoridad sa paggukod sa mga nalambigit sa illegal nga sugal ingon man kadtong pabilin nga nagpamagi ug padayon nga nalambigit sa mga illegal nga sugal sama sa tong-its, mahjong, ug cockfighting.
Ang nasikop nga suspek ug mga ebdensiya ang anaa karon sa kustodiya sa buhatan alang sa tukma nga disposisyon dungan sa pagduso ug kasong kalapasan sa (R.A 9287) sa korte.
