Sikop ang usa ka babaye human nga nangawat og mga chocolate sa usa ka grocery store sa Bangkal ning dakbayan.
Saysay sa sekyu nga namatikdan niining gipangsulod sa suspetsado ang chocolates sa shoulder bag niini kagahapong adlawa, Disyembre 16 ning tuiga, banda alas 6:15 sa gabie nga mibalor sa kinatibuk-an og P3,337.50 ug kalit nga midiretso ang suspetsado sa exit ug wala na miagi pa sa counter aron mubayad.
Giila ang suspek nga si alyas “Abigail”, dunay kaipon, 27-anyos, ug lumulupyo sa Venus St., Purok 3, Brgy. Crossing Bayabas, Toril District ning dakbayan.
Lakip sa narekober gikan kang alyas “Abigail” ang 9 ka mga packs sa chocolate nga mibalor ngadto sa P1,840.50.
Laing 6 sab ka mga pakete sa chocolates ang nakumpiska ug mibalor ngadto sa P1,497.
Sa karon, anaa na sa kustodiya sa kapulisan ang maong dinakpan alang sa tukmang disposisyon.
