Nakuaratan si Anna Jackson, 22-anyos nga taga Scotland sa dihang nasayran niini nga buntis siya homan kini miadto sa hospital gumikan sa pagtuo niini nga mibuto ang iyahang appendix.
Homan nakalabay ang 40 minuto, gihimugso niini ang iyahang anak nga si Talia Smith.
Matod pa nga nagsugod ang tanan sa dihang nakasinati si Anna ug pagpanakit sa tiyan nga gikatuhuan niining menstrual cramps.
Sa dihang migrabe ang sakit, miadto kini sa Forth Valley Royal Hospital kauban ang partner niini nga si Euan Smith.
Gikabutyag nga sulod sa siyam ka bulan, wala namatikdan sa nahisgutan nga buntis na diay kini.
Ang wala niini pagbaton ug menstruation ang gikatuhuang side effect sa giinom niining birth control ug ang pagdako niini ang gikatuhuang epekto sa lactose intolerance.
