Nadakpan ang usa ka big time nga babayeng drug pusher atol sa gihimong drug buy-bust operation sa Davao de Oro Provincial Office sa Philippine Drug Enforcement Agency (PDEA) Regional Office 11, kauban ang Monkayo Municipal Police Station, pasado alas-11:00 sa gabii sa Purok Kawayan, Barangay Union, Monkayo, Davao de Oro.
Giila ang suspetsado nga si alyas Jelay, 25 anyos, nga nadakpan human kini mibaligya og usa ka pakete sa iligal nga droga kon shabu ngadto sa usa ka undercover agent nga nagpaka-aron ingnon nga buyer.
Nakumpiska gikan kaniya ang napulo (10) ka pakete nga adunay sulod nga gituohang shabu, nga adunay gibanabanaan nga gibug-aton nga 50 gramos, lakip na ang marked buy-bust money.
Atubangon sa suspetsado ang kasong paglapas sa Republic Act No. 9165, o ang Comprehensive Dangerous Drugs Act of 2002.
