Dead on he spot ang usa ka hamtong nga babae human nga nabanggaan ang gisakyan niini nga usa ka motorsiklo sa National Highway, Crossing City Hardware , Brgy. Visayan village, Tagum City kaganinang pasado alas-Sais sa buntag.
Subay sa report sa kapulisan, giila ang biktima nga si Trinidad Dator Angco, 52-anyos nga residente sa Prk 3-A, Erlynvill, Subd. Brgy. San Miguel, dakbayan sa Tagum.
Subay sa inisyal nga imbistigasyon nga sakay ang biktima sa Suzuki Smash color Black (608LZK ) nga gimaniho ni Romeo Gementeza, 66-anyos nga residente sa Erlynvill, Subd. Brgy. San Miguel, Tagum City.
Nasayran nga adunay kuyog nga angkas ang biktima nga si Lovely Grace Perez, 15- anyos nga naangol usab atol sa disgrasya.
Sumala pa sa kapulisan nga samtang nagsubay kini sa maong dalan, kalit na lamang sila nga gibanggaan sa Isuzu Elf (KAQ 2041) nga gimaneho ni Gilbert Morales, 29 , ulitawo ug residente sa Prk. 4, Brgy. Ilang, ning syudad sa Davao nga karon anaa na kostudiya sa kapulisan.
Tungod sa kakusog sa maong panghitabo nalagpot ang mga biktima hinungdan nga nakaangkon kini og bun-og sa kalawasan nga labihang naapektuhan mao ang biktima human nga nabusdak ang iyahang ulo sa semento nga bahin sa karsada.
