Daw gibiyaan sa ere ang nasinatian sa usa ka babaye human kini wala’y pagduha-duha nga wala na gibalikan sa iyang uyab.
Ang maong talagsaon nga insidente nahitabo kini sa San Mateo, Rizal diin ang managhigugmaay nibisita sa usa ka motor shop aron matud pa mopalit og bag-ong motorsiklo.
Sumala pa kang Rizal Police Provincial Director Police Colonel Felope Maraggun, mihangyo ang suspek sa seller nga i-test drive ang motorsiklo apan ulahi na kini nahibal-an nga wala na nakabalik ug mipalayo na dala ang scooter nga nagkantidad og P215,000 ug gibilin sa maong suspek ang iyang uyab sa seller.
Nagtinguha pa ang seller nga kontakon ang suspek apan dili na kini makontak rason nga ang biktima nitaho sa kapulisan sa San Mateo.
Samtang, wala mibalibad ang babae nga gidala sa mga pulis sa presuhan.
Matud pa niini, sa online dating app lang niya nakit-an ang lalaki ug wala na siya’y ideya nga mahimo kini sa iyang uyab.
Gawas sa motorsiklo gikuha pa niya ang mahalon nga cellphone sa babaye.
Padayon pa karon ang follow-up operations sa mga pulis aron masikop ang suspek, samtang anaa sa kustodiya sa San Mateo Police Station ang babaye.
Nanghinaut usab ang uyab sa suspek nga mo-surender sa kapulisan.
