-- ADVERTISEMENT --
DAVAO CITY- Gipakita sa Aviation Security Unit XI ang ilahang kaandam sa pagtubag sa bisan unsang krimen nga mahitabo sa Davao International Airport pinaagi sa pagpahigayon niini og simulation exercise.
Gihimo sa Aviation Security ang nahisgutang simulation exercise aron masayran kung unsa pa ang gikinahanglang palambuon nila alang sa pagseguro sa seguridad sa mga pasahero ilabi na nga mas luag na ang restriction batok sa COVID 19.
Gikinahanglang andam sila ilabi na nga usa ang nahisgutang airport sa pinaka-busy gumikan sa pagdagsa sa mga pasahero.
Nahilakip sa simulation exercise ang shooting incident ug gisulayan kung paunsa kapaspas moresponde ang nagkadaiyang unit sa awtoridad lakip na ang pag-neutralize sa usa ka suspek.
