DAVAO CITY – Wala pa naayo ang automated extraction machine sa Southern Philippines Medical Center kon SPMC Molecular Laboratory.
Kini mismo ang pagbutyag sa hepe sa SPMC nga si Dr. Ricardo Audan.
Kahinumduman nga niabot ang technician gikan sa supplier sa maong makina niadtong Huwebes, ug gilaumang maayo ug magamit na ang nahisgutan kaniadtong Sabado.
Apan, pakyas kini nga na-repair. Gibutyag usab ni Audan nga ang kanunay ug adlaw-adlaw nga paggamit sa makina ang hinungdan sa pagkaguba niini.
Hinuon, padayon ang pagproseso og swab samples sa ospital, diin nikunhod ngadto sa 600 hangtod 1,000 swab samples matag adlaw usa ang output sa molecular lab tungod mano-mano usa ang pamaagi niini.
Gikanayon usab ni Audan nga kung dili na gayod madala sa repair ang automated extraction machine, kambyuan na lang kini og bag-o.
Ang SPMC Molecular Laboratory, nagaproseso sa mga COVID-19 swab samples nga gikan sa Dakbayan sa Davao ug sa mga nagkadaiyang dapit sa Mindanao.
