Mihatag si Austin Reaves og career performance nga nag-score og career high nga 45 points aron maangkon sa Los Angeles Lakers ang kadaugan batok sa Indiana Pacers sa score nga 124-117.
Midugang pa kini og pito ka rebounds ug pito ka assists nga mitabang sa Lakers aron mapabilin ang ilahang lima ka sunod-sunod nga kadaugan.
Gumikan sa wala pagdula ni LeBron James gumikan sa injury niini sa walang tiil, gipahimuslan ni Reaves ang higayon aron magpasikat.
Nagpasulod kini og 14 sa 26 gikan sa field, lakip na ang upat ka 3 pointers ug 13 sa free throw line.
Si Rui Hachimura ang mitala usab og 24 points ug 9 rebounds samtang, si Gabe Vincent ang mitala og 12 points ug si Jordan Goodwin ang mitala usab og 10 points.
Samtang, si Jaxson Hayes ang mitala usab og siyam ka puntos ug 12 rebounds.
Wala na usab nakagukod ang Pacers bisan paman nga mitala kini og lima ka puntos gikan kang Siakam ug usa ka 3 pointer ni Toppin nga mipakunhod sa paglabaw sa Lakers sa lima sa nahibiling 1:10.
Apan, wala na nakabawi pa ang Pacers ug napabilin sa Lakers ang ilahang kadaugan.
