Gitubag ni Atty. Vic Rodriguez ang kanhing Executive Secretary sa Marcos Administration, ang nahimong pagbalibad ni Pangulong Bong Bong Marcos Jr., labot sa pagpailawom niini og hair-follicle drug test.
Gipaklaro niini, nga wala sumala pa siya nag-akusa ngadto sa Pangulo, gumikan og kahinumduman nga siya sumala pa mismo ang mipresenta sa negative result sa drug test ni PBBM niadtong tuig 2021.
Dugang pa niini nga, ang sa kabahin lamang sa iyahang panawagan mao ang paghatag og pagpaklaro ngadto sa publiko, ug aron nga maundang na sumala pa ang dugay na kaayong isyu nga matud pa nagagamit og iligal nga droga ang Pangulo.
Hangyo ni Rodriguez, nga unta mupailawom na sumala pa kini sa maong test aron nga malimpyo na ang pangalan niini, hilabi na nga mao kini ang ginagamit nga bala sa pagpangdaot sa mga oposisyon ug mga kritiko ning kasamtangang Administrasyon.
