Una nang gihagit ni Atty. Israelito Torreon ang Chief Legal Counsel sa KOJC si PRO XI Regional Director PBGen. Nicolas Torre III nga sudlon matud pa ang JMC Basement, kauban ang maong General ug mga media, aron nga masuta kung aduna ba ginapahigayong drilling operation sa ilawom sa maong building.
Una na usab nga gihagit ni Torre si Torreon nga kinahanglan pamatud-an matud pa sa maong abogado ang nadawatan niining larawan nga diin makita ang pipila ka mga personahe sa kapulisan nagkuykuy ilawom sa JMC Building, dugang pa niini nga dali ra usab matud pa makamugna ug larawan gamit ang photoshop.
Gidawat kana ni Torreon ang maong hagit hinungdan nga gisubay nila ang maong dalan kagahapon sa hapon padulong sa basement sa JMC arun sutaon unta kung tinuod ba nga adunay drilling operation nga nahitabo, kauban ang mga personahe sa media.
Apan sa dihang nagpadulong na kini, kalit kining gipangbabagan sa mga personahe sa kapulisan si Torreon ug mga kaubanan niining mga media, hinungdan wala kini makadayon ug sulod ngadto sa basement.
Gitawag usab ni Torreon ang nahimong lakang sa mga kapulisan nga intrusive search ug sumala pa unreasonable matud pa kini.
