Miduso kagahapong adlawa og petisyon si Atty. Ferdinand Topacio sa Korte Suprema batok kang Presidential Adviser for Poverty Alleviation Secretary Lorenzo ‘Larry’ Gadon.
Ang maong petisyon maoy alang sa kasong ‘indirect contempt’ batok kang Secretary Gadon, nga adunay kalabutan sa mga gipagawas niyang pamahayag nga giingong supak o walay pagtahod sa Korte Suprema.
Matod pa ni Atty. Topacio, nga ang ilang lihok usa ka tubag sa mga pamahayag ni Gadon nga giisip nga dili angay ug nakapakaulaw sa Judiciary o sa hustisya sa nasud.
Kahinumduman nga giideklarar sa Supreme Court nga ‘unconstitutional’ ang mga articles of impeachment, nga miresulta sa daghang mga reaksyon gikan sa publiko.
Kauban ni Topacio sa pag-adto sa Korte ang uban pa nga mga petitioner ug pipila ka mga grupo sa rallyista nga nagpasaka usab og susamang petisyon.
Gisuportahan sab sa chairman sa Duterte Youth Party-list nga si Ronald Cardema ang maong inisyatiba.
Gani, mipadayag sab si Cardema sa iyang tinguha nga mapasakaan og kaso ang uban pa nga mitamay sa deklarasyon sa Korte Suprema.
Gibatikos sab niini si Kabataan Party-list Representative Renee Co diin buot sab niyang maapil sa maong kaso sa ‘contempt’, gumikan sa pagbatikos sab ni Co sa Korte Suprema.
