Mibiya na isip tigpamaba sa Office of the Vice President si Atty. Michael Poa. Gikumpirma kini ni Poa sa nahimong pag-atubang niini sa pagdungog sa House Good Government and Public Accountability sa matud pa paggamit sa OVP budget ug sa isyu sa confidential funds.
Sumala pa niini, dili na matud pa siya konektado sa OVP gumikan nahuman na sab ang iyahang consultancy contract.
Ayha gibutang kini isip tigpamaba sa OVP si Poa, nagsilbi usab kini kaniadto isip Usec. ug Spox. sa Department of Education sa panahon sa pagdumala pa ni Vicre President Sara Duterte isip Secretary sa maong ahensya.
Sa nakalabayng mga pagdungog sa Kamara, gibutyag ni Poa nga gimanduan matud pa niya ang kanhing DepEd Undersecretary ug retired Major General Nolasco Mempin aron nga mangayo og sertipikasyon sa Militar isip suporta sa paggasto sa OVP sa P15-M nga confidential funds niadtong nakalabayng tuig.
Nabulgar sab nga nahatag usab matud pa sa militar ang gipangayong sertipikasyon apan wala sumala pa kini sila nakabalo nga gamiton lamang diay kini aron nga ijustify ang budget sa buhatan sa Vice President.
Una nang gibarugan ni Vice President Sara Duterte nga dili matud pa kini muatubang sa bisan unsa pa mang ipahigayong pagdungog sa Kamara, gumikan nagatuo kini nga ginapamulitikahan lamang siya sa mga magbabalaod.
