Atong Ang anaa pa sa nasud – DOJ

Nagtuo ang Department of Justice (DOJ) nga anaa pa dinhi sa nasud ang negosyanteng si Charlie ‘Atong’ Ang nga gikonsidera nga nalambigit sa mga nahanaw nga mga sabungero.

Kini subay sa impormasyon nga anaa sa posesyon sa DOJ.

Matod ni DOJ Sec. Fredderick A. Vida, gikanayon niini nga kompiyansa siya sa impormasyon o ebidensiya nga nalakip sa gipasaka nga kaso bisan pa sa mosyon sa pikas kampo.

Matod usab niya nga padayon silang nakig-alayon sa mga enforcement agencies aron pangitaon si Ang.

Bag-ohay lamang, niduso og ‘motion to quash’ ang kampo ni Ang aron ma-invalidate ang ‘arrest warrant’ nga giisyu sa korte.