Gipatawag sa Philippine National Police-Criminal Investigation and Detection Group (PNP-CIDG) si Ateneo de Manila University President Roberto Yap isip kabahin sa imbestigasyon sa pagkamatay sa mga basketball player nga sila Rene Baterbonia ug Divine Adili.
Gikumpirma ni DILG Secretary Jonvic Remulla ang pag-isyu sa subpoena aron makakuha og dugang nga kasayuran ug klaripikasyon may kalabotan sa maong insidente. Dugang pa niini, wala pa naghatag og detalye si Remulla kung kanus-a motubag sa CIDG si Ateneo men’s basketball team manager Epok Quimpo.
Matud pa, kagahapong adlawa hunyo 19, 2026, mitambong sa PNP-CIDG si Ateneo men’s basketball head coach Tab Baldwin uban sa coaching staff member Dean Castano ug Athletic Director Em Fernandez aron maghatag og pahayag kabahin sa ilang kahibalo sa maong panghitabo.
Sa kasamtangan, nagpadayon ang imbestigasyon sa kaso samtang kahinumdoman nga nangayo na og pasaylo sa pamilya nila Adili ug Baterbonia sila Baldwin ug Yap may kalabotan sa maong trahedya.
