DAVAO CITY – Suportado sa mga lideres sa Ateneo community ang opesiba sa kagamhanan batok sa Maute Group.
Pinasikad kini sa joint statement sa lima ka mga university president sa Zamboanga, Davao, Manila, Naga ug Cagayan de Oro City.
Sumala sa mga kadumalahan sa Ateneo nga misalign sila sa pasalig ni Pangulong Rodrigo Duterte nga mamahimo nga limitado ug temporary lamang ang Martial Law sa Mindanao.
Hangyo na lamang nila karon sa kagamhanan nga mohimo ug maayong hukom sa pagpatuman ug military rule aron nga dili kini magamit sa mga pagpangabuso.
Gituohan sa Ateneo nga Social Injustice ang ugat hinongdan sa kagubot sa Mindanao, labi na sa Autonomous Region In Muslim Mindanao nga labihan ka daghan ang mga giilang kabus.
Sumala sa Ateneo nga mitaas ang kagubot sa Mindanao gumikan sa sayop nga idolohiya nga nagtakuban sa relihiyon.
