“Ate Gay” mapasalamaton tungod sa pag-gamay sa bukol sa iyahang liog

Nagpasalamat ang komedyante nga si Gil Morales, nga mas nailhan isip “Ate Gay”, human sa padayon nga pagkunhod sa gidak-on sa iyang bukol sa liog.

Sa iyang post sa social media account niini, makita ang dakong kalipay sa komedyante samtang gipakita niya ang kasamtangang gidak-on sa bukol.

Kahinumduman, na-diagnose si Ate Gay nga adunay stage 4 mucoepidermoid squamous cell carcinoma, usa ka talagsaong klase sa cancer nga nagatubo sa mga organo sa tawo.

Sumala kaniya, dako kaayo ang tabang sa gugma ug suporta sa iyang pamilya, mga amigo, ug mga fans sa iyang pag-ayo.