DAVAO CITY – Nagpahimangno karon ang buhatan sa Ancillary Service Unit (ASU) ngadto sa mga residente nga gi-okupa na ang mga kadalanan nga mas maayong mangunay na lamang kini pagbungkag sa mga istraktura ug dili na hulaton nga sila pa ang mohimo niini.
Kahinumduman nga nagpadayon karon ang ASU sa ilang operasyon alang sa pagbungkag sa mga illegal structures sa dakbayan kini alayon sa naunang panawagan ni Pangulong Rodrigo Duterte nga kinahanglan dili pangbabagan ang mga kadalanan.
Sa milabay nga adlaw girumbo sa demolition team sa ASU ang Barangay 7-A ning dakbayan diin gipangtangtang ang mga nakababag sa dalan ingon man ang nagtapok nga mga basura.
Gawas sa mga kadalanan, gipahimangnoan sab kadtong mga residente nga nanimuyo daplin sa Davao river nga dili magtukod ug extension sa mga Dike ilabi na nga gipahimutang kini aron nga mababagan ang pagbaha ilabi na kung mobundak ang kusog nga ulan.
