ASU Davao City, magpahigayon og operation drainage clean up

DAVAO CITY - Magpahigayon og subsob nga drainage clean up ang mga personahe sa Davao City Ancillary Services Unit aron ma desilt ang mga basura nga nakabara sa mga drainage system sa syudad. 

Sumala kang Paul Bermejo, Head sa Davao City Ancillary Services Unit, nagpahigayon na sila og inspection kagahapong adlawa aron masubay ang sitwasyon una paman mag deploy og mga personahe. 

Aminado ang opisyal nga dunay mga barado nga drainaga partikular sa GSIS area ug ang creek sa John Paul padulong sa Times beach. Alayon niini dunay duha ka team ang buhian nga magpahigayon og desilting panahon sa buntag og gabie. Langkuban kini sa 15 ka myembro matag team. 

Gawas sa drainage clean up magpahigayon usab og clearing operation ang ASU sa mga kadalanan sa syudad. Kahinumdumang ning nakalabay'ng gabie gibaha ang dalan McArthur Highway homan nga nibundak ang kusog nga ulan.