Dako ang pagtoo sa usa ka political analyst nga dili “for show” ang nahitabong assassination attempt kang kanhi US President Donald Trump samtang namulong kini atol sa rally sa Butler, Pennsylvania, kaniadtong Sabado.
Sumala pa ni Ramon Beleno III, usa ka political analyst nga usa sa mga basehan niini mao ang pagkadamay sa pipila ka mga indibidwal lakip na usab ang pagkamatay sa matud pa kauban sa shooter.
Dili matud pa maayo og epekto nga nahatag ang maong insidente sa nasud hilabi pa nga giila gayud ang United States isip democratic.
Dugang usab ni Beleno nga dili gihapon posibleng magamit ni Trump ang maong insidente sa pagkuha og sympatya sa katawhan kung galing “for show” lamang kini gumikan nagabase sa plataporma ug prinsipyo sa kantidadto ang pagboto sa mga residente sa nahisgutang nasud.
Sa pikas bahin, gikumpirma sa usa ka residente sa US ang kainit sa politika sa nahisgutang nasud hilabi pa sa hisgutanang Biden ug Trump nga maoy mag-ilog sa pwesto isip presidente.
Sumala pa ni Peter Arvin Jabido, Bombo International News Correspondent sa Los Angeles nga natunga karon ang kadaghanan kung kinsa ang pagabotohan niini s aumalabot nga eleksyon.
Gikanayon ni Peter nga bisan paman dili personality based ang pagpili og lider sa maong nasud, posibleng makatampo gihapon ang “assassination attempt” sa pagdapig sa daghanang indibidwal kay Donald Trump.
Ning kasamtangan, labing gipanghinaot na lamang sa nahisgutan ang pagdaog sa lider nga makahatag og kaayohan sa US hilabi pa sa nasud Pilipinas nga una nang gikatahong labing maapektohan hilabi na sa hisgutanang West Philippine Sea.
