DAVAO CITY – Nagpahibalo ngadto sa katawhan ang Davao City Disaster Risk Reduction and Management Office nga dili tugutan ang bisan unsang recreational events duol sa Asik-Asik Falls, Purok 9, Barangay Carmen, Baguio District, ning dakbayan.
Gumikan sa nasayrang mass wasting sa nahisgutang lugar ug sa peligrong hatud sa landslide subay sa Detailed Flood and Landslide Susceptibility Map sa Mines Geosciences Bureau sa DENR 11, hugot nga gibawalan ang mga turista nga musaka sa Asik-Asik Falls.
Gipagawas ang maong pahimangno subay sa gilusad nga assessment ning nakalabayng tuig nga nagkanayong usa kini ka landslide and flood-prone area nga gipunting sab sa mga opisyales sa Barangay Carmen ug Tamayong.
Giatasan na sa CDRRMO ang mga opisyales sa duha ka barangay, Bantay Bukid, ug uban pang otoridad nga ipahigayon ang temporaryong pag-kordon sa Asik-Asik Falls, samtang nakatoka sab ang Sirib Emergency and Mountain Search and Rescue Auxiliary sa pag-monitor sa mga kalihukan sa maong lawak.
via || Bombo LJF
