DAVAO CITY – Gibutyag ni Department of Agriculture (DA) 11 information officer Noel Provido nga dili na kinahanglan pa nga ipadala sa ASF testing center sa Gen San ang sample gikan sa mga baboy nga gikatahapang namatay gumikan sa maong disease.
Kini human nga aduna na matud pay Genome Center Satellite facility sa UP-Mindanao diin mamahimo na ipahigayon ang testing sa mga sample sa baboy nga posibleng na-igo sa African Swine Fever (ASF).
Kahinumduman nga daghanan ng mga hog raisers sa Davao region ang apektado karon sa ASF ug nagpabilin pa gihapon kini nga bahad hangtud karong panahona.
Gikanayon ni Provido nga aduna pa gihapoy mga aktibong kaso sa ASF nga natala sa mga lugar sa Panabo, Carmen, Tagum ug Sto. Tomas Davao del Norte diin anaa na sa kapin 600 ka mga baboy ang gipailalom sa culling.
Gipahimangnoan sab niini ang mga hog raisers nga kung adunay mabati nga sintomas sa ASF ang mga binuhing baboy, mas maayong makiglambigit gilayon sa ilang buhatan.
Nanawagan sab ni Provido sa publiko nga likayan sab ang pagdala ug mga karneg baboy gikan sa ASF affected area padulong sa mga dapit nga ASF free kini aron malikayan ang pagkatag sa maong disease.
