DAVAO CITY – Miubos na matud pa karon ang kaso sa African Swine Fever (ASF) sa Davao region.
Una ng gibutyag ni Livestock Coordinator Dr. Karl Laurence Pineda sa Department of Agriculture XI (DA XI) nga sa milabay nga duruha ka semana, adunay duruha ka kaso ang na-detect sa rehiyon.
Gilangkuban ang natalang kaso sa mga probinsiya sa Davao Oriental ug Davao del Sur diin adunay gipahigayon karon nga monitoring ug surveillance kalaip na ang environmental swabbing.
Sa ulahing datus, anaa sa 236 barangay sa rehiyon ang apektado sa outbreak, samtang miabot sa 49,315 ka mga baboy ang gipailalom sa culling nga iya sa 10,664 ka mga mag-uuma.
Kahinumduman nga sa Davao Occidental diin nagsugod ang pandemiya sa unang quarter sa 2020 ang adunay pinakadaghan ug mga baboy nga gipailalom sa culling nga anaa sa 23,483 nga iya sa 5,669 ka mag-uuma.
Gitataw sab ni Pineda nga ang gobyerno nakapanghatag na ug kinatibuk-ang P 172.535 million isip indemnification alang sa gipamatay nga baboy.
Samtang lain pa nga P 12.89 ang i-release sa ikaduha ug ikatulong semana karong bulan sa Setyembre.
