Nagkasinabot ang Pilipinas ug siyam ka mga miyembrong nasud sa ASEAN nga dili mupatuman ug retaliatory measures sa Estados Unidos sa gipatuman niining bag-ong taripa.
Sa panaghinabi sa mga economic ministers sa Kuala Lumpur, Malaysia, mas maayo ang mga dayalogo kung ikumpara sa pagbalos, ilabi na nga ang US mao ang pinakadakong gikuhaan sa foreign direct investments sa ASEAN ug ikaduhang pinakadakong trading partner niadtong 2024.
Gipahayag ni Frederick Go, Special Assistant to the President for Investment and Economic Affairs, nakiglambigit na ang administrasyong Marcos sa Office of the United States Trade Representative (USTR) aron sugdan ang panag-estorya.
Gawas sa taripa, gihisgutan usab sa ASEAN Ministers ang pagpakusog sa intra-ASEAN trade aron pakigbatukan ang external economic pressures.
