Gipangunahan sa Philippine Coast Guard (PCG) ang pagpahigayon sa Association of Southeast Asian Nations (ASEAN) Coast Guard Forum nga opisyal nga gi-abrihan karong adlawa sa usaka resort sa Island Garden City Of Samal (IGACOS) ug molungtad hangtud sa June 8, 224.
Ang nahisgutang panagtigum ang gisalmutan sa siyam ka mga kanasuran nga gilangkuban sa Indonesia, Singapore, Thailand, Cambodia, Laos, Malaysia, Myanmar, Vietnam, lakip na Pilipinas.
Gikanayon ni PCG spokesperson , CG Rear Admiral Armando Balilo, tumong sa nahisgutang panagtagbo nga mapalapdan ug mapalig-on pa ang koordinasyon ug kooperasyon tali sa napulo ka 10 ASEAN member-countries aron matubag ang mga suliran labot sa ilegal nga mga kalihukan sa kadagatan sama sa drug trafficking, human smuggling, illegal fishing, piracy, ug ang pagpasulod sa mga weapons of mass destruction.
Dugang pa ni Balilo nga pinaagi sa ASEAN Coast Guard Forum magbaton ug dalan aron maka-angkon ug usaka tiingog ang mga ASEAN countries bato sa nagkadiayang mga hulga sa kadagatan ug hagit sa seguridad sa rehiyon.
Sa pikas bahin, gikanayon usab ni PCG commandant, CG Admiral Ronnie Gil Gavan, ang maong panagtigum maghatag ug dakong kahigayunan sa PCG aron makatabang nga ma-inspire ang ilang mga ginsakupan ug magkahiusa alang sa luwas ug malambuon nga ASEAN maritime region ilalom sa international law partikular na ang UNCLOS.
Lakip usab mga mitambong sa panagtigum si Solicitor General Menardo Guevarra.
