DAVAO CITY – Inay si incumbent Davao del Sur Governor Marc Douglas Cagas IV ang mupapili sa susamang katungdanan, ang iyang asawa nga si Yvonne Roña Cagas ang gipaduso og COC sa gobernador aron muhulip kaniya sunod tuig.
Mi-file si Yvonne Cagas og COC pasado alas dose sa udto kagahapon sa COMELEC Provincial Office.
Gawas sa asawa sa Gobernador, mupapili usab ang ig-agaw ni Marc Douglas nga si Atty. Riafe Cagas-Fernandez isip Bise Gobernador.
Alang sa pagka-Kongresista, mudagan sila Atty. John Tracy Cagas, kinsa incumbent Vice Governor usab sa Davao del Sur.
Ang mga Cagas, mudagan ilalom sa Nacionalista Party.
Kahinumduman nga si Cagas IV ang mihulip sa amahan niini nga si Douglas Cagas isip Gobernador human nga namatay kini sa komplikasyon sa COVID-19 niadtong Hunyo ning kasamtangang tuig.
Sa pikas bahin, makaatbang ni Yvonne Cagas ang abogado ug dean sa Jose Maria College of Law nga si Atty. Israelito Torreon, kinsa mubangga sa ginakonsidera niyang political bigwigs sa nasangpit nga lalawigan.
