DAVAO CITY – Gipangkawat sa mga rebeldeng New People’s Army (NPA) ang tanan nga mga armas sa gi-ambush nga mga sakop sa Bansalan PNP ug sa SOCO sa Digos City.
Nasuta na ang mga armas nga nakuha gikan sa lima ka mga pulis ug sakop sa SOCO nga nangabiktima sa pagpang-ambus kagahapon sa mga rebeldeng New People’s Army (NPA) nga sakop sa Front Committee 51 sa Barangay Sibayan, Bansalan, Davao del Sur nga gikamatay sa tulo ka mga sakop sa Bansalan PNP ug usa sa duha ka mga sakop sa SOCO gikan sa Digos City, Davao del Sur.
Una nang naila ang mga nangamatay nga sila si PO1 Rolly Benelayo, PO1 Joe Narvaza, PO1 Saro Mangutara nga mga sakop sa Bansalan Municipal Police Station (MPS) ug usa ka PO3 Jayden May Rabor, sakop sa SOCO Digos City.
Samtang ang naluwas human maka-ambak sa Patrol Car Number 4 mao si PO3 Allen Arnado nga sakop sab sa SOCO Digos City.
Nakuha ang M16 riffle gikan kanila ni PO1 Benelayo, ug PO1 Narvaza, samtang 9MM pistol sa bang nakuha gikan kanila ni PO3 Rabor ug kang PO1 Mangutara.
Apil nga nakuha sa mga rebelde ang mga magazine ug mga bala, mga cellphone ug uban pa nga mga personal nga mga gamit gikan sa mga biktima.
Nasayran nga human sa pagpang-ampus miikyas ang mga rebelde padulong sa Upper Tinungtungan, Bansalan, Davao del Sur.
Ang Davao del Sur PNP ug ang Provincial Public Safety Company sa pagpanguna ni Police Supt. John Clark u gang 39th IB Philippine Army u gang 73rd IB Philippine Army ang kalakip sa nagpahigayon ug hot pursuit operation aron sa paggukod sa mga miikyas nga mga rebelde.
Ang SOCO Team nga gipangunahan sa ilang OIC Regional Director Police Supt. Survey Manuel mipahigayon ug imbestigasyon sa ambush site naka-recover ug metallic fragment o IED nga wala pa nakaboto ug mga baseyo sa bala saa AK47 ug M16 armalite rifle.
Ang patay nga lawas sa mga napatay nga mga police nga gihaya na karon sa Brillantes Funeral Parlor sa lungsod sa Bansalan, Davao del Sur, apan ang patay nga lawas sa usa ka PO1 Saro Mangutara gilubong na sa iyang pamilya.
