Nagpaguwa ug pamahayag ang taga Archdiocese of Davao, kabahin kana sa nahitabong kaguliyang sa KOJC Compound sukad pa niadtong adlawng Biyernes.
Miapela si Davao City Archbishop Romulo Valles pinaagi sa usa ka pamahayag kabahin sa pagpatuman sumala pa sa maong balaod pinaagi sa sakto nga pamaagi.
Lakip na usab nga gihangyo niini nga unta maangkon na ang kalinaw ug kahapsay alang ngadto sa mga lumulupyo sa dakbayan sa Davao.
Gihisgutan sab niini ang padayong natigayong kagubot sa mga taga KOJC tali sa mga kapulisan ug giawhag nga ipatuman ang balaod sa sakto nga pamaagi nga diin ang tanan mupailawom usab sa ginatawag nga rule of law.
Gitawag sab niini nga alarming ug gahatag ug kahasol sa pipila ka mga indibidwal ang presensya sa mga tigpatuman sa balaod nga sumala pa overwhelming, nga diin maoy nahimong hinungdan nga natandog usab ang kabahin sa ginaprotektahan sa mga taga KOJC nga religious freedom.
Subli niining gi-awhag ang tanan nga ipahigayon dayon ang maong kalinaw sa maong sitwasyon ug ang paghatag ug saktong respeto sa matag-usa.
