DAVAO CITY – Gikonsidera sa usa ka opisyal sa Land Bank of the Philippines nga ang mga mag-uuma nga Agrarian Reform Beneficiaries (ARBs) maoy hatagan nila ug prayoridad sa ilang lending alang sa financial assistance.
Matud pa kang Charlotte Conde, vice president sa LBP, nga pinaagi niini makapadayon sa ilang pagpananom ang mga mag-uuma sa mga luna nga ilang gitikad.
Sa higayon nga ilang makumpirma nga miyembro ARBs ang usa ka mag-uuma, mamahimo gilayon kini nga mahatagan ug financial assistance sa bangko.
Nasayran sab sa nahisgutan nga aduna silay extended loans sa tulo ka mga farmers cooperatives sa Madaum, Hijo Agrarian Reform Beneficiaries Cooperative 1 ug 2, ug sa Madaum Agrarian Reform Beneficiaries.
Andam sab sumala pa nga motabang ang LBP sa pagpahigayon ug negosasyon ngadto sa mga kooperatiba sa nahitabong bangi sa luna tali nila sa Lapanday Foods Incorporated nga misangpot sa grabe nga kasamok.
