DAVAO CITY – Kabahin sumala pa sa kasaulogan sa Araw ng Dabaw karung tuiga ang pag-feature sa walo ka mga floats nga mopakita ug kasaysayan sa Davao gikan kang Datu Bago hangtud sa kasamtangang panahon.
Matud pa kang 80th Araw ng Dabaw Executive Committee Spokesperson Generose Tecson nga usa sa mga organizer ang i-assign nga maoy mosubay sa nahisgutang floats design.
Gikanayong human sumala pa ang ilang gipahigayon nga execom meeting, gihan-ay sab nila ang mga guidelines alang sa mga buot mamahimong contingent sa maong aktibidad.
Dugang ni Tecson nga pipila sa mga naaprubahan nga guidelines mao ang tukma nga pagsubay sa mga contingents sa event.
Ang mga Civic o non-government organizations ingon man pribadong kompanya, universities, ug groups nga buot mosalmut kinahanglan mohatag ug katin-awan kung sila walking contingent o adunay float.
Angayan sab sumala pa nga adunay parade coordinator ang mga walking contingents.
