Giduso ni Majorty leader Cong.Ferdinand Alexander ‘Sandro’ Marcos ang House Bill No. 8190 o ang sugyot nga “Anti-Road Rage Act”, nga nagtinguha nga isipong krimen ang road rage ug ipatuman ang mas bug-at nga silot batok sa agresibo ug reckles nga pagmaneho.
Sumala kang Marcos, klaro nga ibulag sa sugyot ang ordinaryong paglapas sa trapiko ug ang tinuyo nga mga aksyon nga nagbutang sa peligro sa kinabuhi ug kabtangan.
Gikanayon niini nga kung ang insidente sa karsada moabot sa kasuko, dili lamang ang nalambigit ang apektado kundili lakip ang mga inosenteng commuter ug pedestrian.
Ilawom sa maong sugyot, ang road rage mao ang bisan unsang tinuyo nga agresibong lihok sa drayber o sakay sa sakyanan nga may kalabutan sa insidente sa trapiko, nga adunay tuyo nga manghadlok, magbahad, mangitag gubot, o manakit, ug nagmugna og klaro nga peligro sa kinabuhi o kabtangan.
Lakip niini ang delikadong pagmaneho, pagpangbahad gamit ang sakyanan tungod sa panagbangi sa karsada.
Adunay nga silot nga gilatag nga ipahamtang, kung walay nasamdan o nadanyos: 6 ka bulan ug 1 adlaw hangtod 1 tuig nga pagkabilanggo, o multa nga ₱20,000 hangtod ₱100,000, o susamang silot. Kung adunay kadaut sa kabtangan o naangol ang tawo: 2 hangtod 4 ka tuig nga pagkapriso, o multa nga ₱100,000 hangtod ₱200,000, o susamang silot.
Kung moresulta sa grabe nga kadaut kon kamatayon i-akusa isip intentional felony ubos sa Revised Penal Code, nga adunay maximum nga silot ug dugang multa nga ₱200,000 hangtod ₱500,000, gawas pa sa civil liability.
Pahamtangan usab ang mga mapamatud-an nga sad-an nga moagi sa anger management training nga gitakda sa hukmanan uban ang MMDA ug Philippine National Police (PNP).
Ang labing taas nga silot ipatuman kung adunay gigamit nga armas, kon menor de edad, buntis, senior citizen, o PWD ang biktima, o kon unipormadong indibidwal ang nalambigit sa road rage.
