DAVAO CITY – Gitino sa lokal nga kagamhanan nga magpadayon ang pagsagup sa anti-COVID working measures sa tanan nga mga pampubliko ug pribadong buhatan sa siyudad hangtud sa Hunyo 30 ning kasamtangan nga tuig.
Tipik lamang kini human ang gipagulang Executive order No. 70 ni Mayor Sara Z. Duterte nga lugwayan ang EO 56 o kamandoan nga sagupon ang uban pang alternatibo nga alternative work arrangements sa mga buhatan sa pampubliko ug pribadong buhatan.
Laraw pa gihapon sa maong kamandoan nga masolusyonan ang ihap sa mga indibidwal nga magtapok sulod sa opisina, ingon man socialization o overcrowding sa workplaces ug establisyemento nga maoy posibleng hinungdan sa transmission sa virus.
Angayan sab sumala pa nga ipatuman ang uban pang mga alternative work arrangements (OAWA) hangtud Hunyo 30 niining kasamtangan nga tuig 2021.
Sakop sa EO nga kinahanglan magpahigayon ug monitoring ang mga opisyal sa opisina arobn masiguro nga matuman ang 40-hour workweek.
