Gikwestyon ni House Deputy Speaker ug Antipolo 1st District Representative Ronaldo Puno ang hustong proseso sa pagmugna sa 2026 national budget human makita nga ang ilang mga priority flood control projects gipulihan og lain nga mga proyekto sa National Expenditure Program. Sigon pa ni Puno nga dili lamang kini nahitabo sa iyang distrito, kundili naapektohan usab ang ubang mga kongresista lakip na si House Majority Leader Sandro Marcos ug Marikina City Representative Marcelino Teodoro.
Matod ni Puno, klaro nga adunay kakulian sa proseso sa pagpang-apruba ug paglista sa mga proyekto. Gipasabot niini nga bisan pa adunay nakatakdang P150 milyon para sa matag congressional district, ang mga proyekto nga gisumite sa DPWH District ug Regional Offices walay klarong pagpakita sa NEP nga gihimo sa Department of Budget and Management. Mas grabe pa, tungod adunay proyekto nga nahuman na apan napondohan pag-usab.
Tungod niini, nagpahayag si Puno nga mas maayo pang mag-reenacted budget kaysa modawat sa NEP nga puno sa mga kalapasan. Nagpahibalo usab kini nga nagsumite na siya og House resolution aron imbestigahan ang tinood nga nagmugna ug nagpondo sa mga anomalya sa mga infrastructure projects sama sa flood control.
