Mipailalom na kuno sa hip replacement si Angelica Panganiban.
Kini usab ang nahimong hinungdan nga maglisod kini sa paglakaw.
Spotted ang nahisgutan last week sa usa ka high-end mall sa Makati ug natingala ang mga nakakita sa iyaha nga naglisod kini sa paglakaw.
Gi-abagan usab kini sa iyahang mister nga si Gregg Homan nga kauban niining nagsuroy sa mall ug sa ilahang anak.
Sa latest vlog sa aktres sa You Tube channel nila sa iyahang mister, gibutyag niini nga mipailalom kini sa hip replacement.
Kung kahinumduman nga niadtong milabay nga tuig, gibutyag ni Angelica nga nadeskubrehan sa mga doktor nga nagbaton kini ug avascular necrosis o bone death.
Grabe kuno ang kasakit niini ug halos dili na siya makalakaw.
Hangtod nagbaton kini ug core decompression sa iyahang hips aron makunhuran ang pagpanakit apan dili kini epektibo, hinungdan gikinahanglan niini nga magbaton ug hip replacement.
Milungtad kuno ug duha ka oras ang operasyon ug nagmalampuson kini.
