Miapas usab ug duso ang anak ni Bishop Rodolfo Cubos nga si Archie Cubos diin mi-file usab kini sa iyahang Certificate of Candidacy isip pagka konsehal sa 1st District ning syudad, pipila na lamang ka minuto ayha matapos ang filing sa Certificate of Candidacy.
Usa matud pa sa iyahang mga plataporma mao ang mahatagan ug free-wifi ang katawhan sa Dakbayan aron nga dili na sumala pa maglisod ang mga tawo hilabi na ang mga estudyante diin maoy pinakamahinungdanon nga butang sa ilahang pagtuon.
Lakip sab sa iyahang nahisgutang plataporma, mao ang pagtubag ug paghatag og sulosyon sa mga pagbaha sa dakbayan, gumikan dugay na matud pa kanang problema apan hangtod karun wala pa gihapon sumala pay kasulbaran.
Kahinumdumang una na nga nag-file ang amahan niini nga mao si Bishop Rodolfo Cubos isip pagka-mayor ning dakbayan, diin ang mga kaatbang niini mao sila kanhing Pangulong Rodrigo Duterte ug si Atty. Karlo Nograles.
