Pormal nga miduso sa iyahang kandidatura ang anak ni Cong. Paolo Pulong Duterte nga si Rigo Duterte isip konsehal sa 1st District ning syudad, kagahapon sa alas 10 ang takna sa buntag.
Usa matud pa sa tinguha ni Rigo diin rason sa iyahang pagdagan, mao ang mapadayon ang mga serbisyo nga nabuhat sa ilahang pamilya.
Anaa sa nag-unang prayoridad sumala pa niini mao ang programang medical, ug pagmugna ug mga ipang-apud-apud nga ayuda ngadto sa mga kabus.
Ikatulong adlaw na karun sa filing of Certificate of Candidacy. Ning kasamtangan, aduna nay tulo ka mga kandidato ang miduso sa ilahang kandidatura.
Kung kahinumdumang niadtong nakalabayng adlaw, diin maoy unang adlaw usab sa filing sa COC ug sukad niadtong adlawa hangtud karung mga takanaa, adunay duha pa lamang mi file sa ilahang COC nga mao sila Ramil Fernando Brucal, 54-anyos, taga Poblacion Toril, isip Councilor sa 3rd District, ug si Markoper Javier, 51-anyos, taga Catalunan Pequeño, Davao City, isip konsehal sa unang distrito ning syudad.
Dayun gisundan kini ni Rigo Duterte og file kagahapong adlawa diin mudagan kini ilawom sa partidong Hugpong sa Tawong Lungsod.
