Gibutyag sa nadakpan nga suspetsado sa pagpatay sa negosyanteng Chinese national nga si Anson Que o Anson Tan ug sa iyang driver nga ang nagmando sa tanang krimen mao mismo ang anak sa negosyante.
Tungod niini, girekomenda sa Philippine National Police Anti-Kidnapping Group (PNP–AKG) sa Department of Justice nga imbestigahan si Ronxian Gou o Alvin Que.
Base sa inisyal nga imbestigasyon, nagsilbi si Alvin, 42-anyos, isip negosyador para sa pamilya samtang gibihag pa sa mga kidnaper si Que.
Siya usab ang nagbayad sa inisyal nga P10 milyones nga ransom ngadto sa usa ka cryptocurrency account niadtong Marso 31 ug dugang nga P3 milyones sa samang account niadtong Abril 2.
Kahinumduman nga si Tan ug ang iyang driver nakaplagang patay niadtong Abril 9.
